• नेपालको हुलाक सेवाको केन्द्रीय निकायको रुपमा रही हुलाक सम्बन्धी नीति तर्जुमा, कानुनहरु निर्माणको लागि मस्यौदा तयार गरी मन्त्रालयमा पठाउने,
• अन्तर्गतका निकायबाट सञ्चालित क्रियाकलाप तथा कार्यक्रमहरुको समन्वय, सहजीकरण, मार्गनिर्देशन, निरीक्षण, अनुगमन तथा मूल्यांकन गर्ने,
• हुलाक सेवा विभाग तथा मातहतका कार्यालयहरुमा जनशक्तिको व्यवस्थापन गर्ने,
• आन्तरिक तथा अन्तर्राष्ट्रिय डाँक व्यवस्थापन गर्ने,
• अन्तर्राष्ट्रिय डाँक सेवाको सम्झौता र सञ्चालन गर्ने,
• हुलाक टिकटको व्यवस्थापन गर्ने,
• हुलाक सेवा सञ्चालनका लागि स्रोतसाधनको व्यवस्थापन गर्ने,
• हुलाक वस्तुहरु ओसार पसारका लागि आवश्यक सामग्रीहरुको व्यवस्थापन गर्ने,
• विश्व हुलाक संघ (UPU) र एसिया प्रशान्त हुलाक संघ (APPU)का सदस्य राष्ट्रसँगको ई.एम.एस. सञ्चालन, व्यवस्थापन र सम्झौता सम्बन्धी कार्यहरु गर्ने,
• हुलाक सेवाको सन्दर्भमा वैदेशिक सम्बन्ध कायम गर्ने तथा UPU/APPU का सिद्धान्त तथा नीतिहरुको कार्यान्वयन गर्ने,
• अन्तर्राष्ट्रिय डाँक लेखा सञ्चालन, अनुसन्धान र छानविन आदि गर्ने,
• हुलाक सम्बन्धी राष्ट्रिय तथा अन्तर्राष्ट्रिय फोरमहरुमा सहभागिता जनाउने र तोकिएबमोजिमका अन्तर्राष्ट्रिय दायित्वहरु निर्वाह गर्ने गराउने,
• स्वदेश तथा विदेशमा संचालन हुने क्षमता अभिवृद्धि सम्बन्धी कार्यक्रमहरुमा हुलाकका कर्मचारीलाई सहभागी गराउने,
• हुलाक सेवालाई आधुनिक, प्रतिस्पर्धी, व्यवसायिक र सूचना प्रविधिमा आधारित बनाउन निरन्तर अध्ययन तथा अनुसन्धान गर्ने,
• माग तथा आवश्यक्ताको आधारमा हुलाक टिकटको छपाई, भण्डारण तथा वितरणको व्यवस्था मिलाउने,
• फिलाटेलिक वस्तुहरुको मानार्थ वितरण तथा हुलाक टिकट प्रकाशन तयारी, प्रथम दिवशीय टाँचा लगाउने तथा अन्य फिलाटेलिक वस्तहरु छपाई सम्बन्धी कार्य गर्ने,
• राष्ट्रिय तथा अन्तर्राष्ट्रिय फिलाटेलिक प्रदर्शनीको आयोजना गर्ने र नेपालको तर्फबाट सहभागिता जनाउने,
• हुलाक सेवा संचालन तथा व्यवस्थापन सम्बन्धी नेपाल सरकारले तोकेका अन्य कार्यहरु गर्ने।

प्रशासन तथा योजना शाखाः

• प्रचलित निजामती सेवा ऐन र नियमावली बमोजिम विभाग र अन्तर्गतका कार्यालयहरुमा कर्मचारीहरुको नियुक्ति, पदस्थापन, काज, कायम, मुकायम, सरुवा बढुवा, विभागीय कारवाही, पुरस्कार सम्बन्धी कार्य गर्न राय सहित पेस गर्ने तथा प्रत्यायोजित अधिकार बमोजिम आवश्यक कार्य तथा निर्णयहरु गर्ने,
• विभाग र अन्तर्गतका कार्यालयको मौजुदा संगठन संरचना तथा दरबन्दीमा पुनरावलोकन गर्नुपर्ने भएमा सोको अध्ययन गरी राय सहित पेस गर्ने,
• विभाग अन्तर्गतका हुलाक निर्देशनालय, कार्यालयहरुसम्म हुलाक सेवा सञ्चालनार्थ आवश्यक हुने जिन्सी सामानहरुको आपूर्तिको व्यवस्था मिलाउने,
• विभागका सम्पूर्ण जिन्सी सामानहरुको सुरक्षाको प्रबन्ध गर्न लगाई जिन्सी अभिलेख दुरुस्त राख्ने व्यवस्था मिलाउने,
• विभागको भवनको रेखदेख, निरीक्षण गर्ने तथा सुरक्षाको प्रबन्ध मिलाउने,
• विभाग र अन्तर्गतका वार्षिक योजना तथा कार्यक्रमहरु स्वीकृतीका लागि राय सुझाव सहित पेस गर्ने,
• योजना कार्यक्रम तथा बजेट सम्बन्धी छलफलमा भाग लिने,
• सञ्चालित योजना तथा कार्यक्रमहरुको नियमित अनुगमन तथा मूल्यांकन गरी प्रतिवेदन पेस गर्ने,
• योजना तथा कार्यक्रमहरुको प्रगति विवरण तयार गर्ने तथा तथ्यांक अध्यावधिक गर्ने व्यवस्था मिलाउने,
• प्रचलित हुलाक सम्बन्धी ऐन नियमहरुमा आवश्यक संशोधन गर्न मस्यौदा तयार गर्न लगाई पेस गर्ने,
• मातहतका कार्यलयहरुको अनुगमन,निरिक्षण गर्ने र प्रतिवेदन पेस गर्ने,
• विभागको दर्ता चलानीलाई व्यवस्थित बनाउने तथा अभिलेख व्यवस्थापनलाई चुस्त दुरुस्त बनाउने,
• आफु मातहतका राजपत्राङ्कित तृतीय श्रेणीका कर्मचारीहरुको सुपरिवेक्षकको रुपमा र राजपत्र अनंकित कर्मचारीहरुको पुनरावलोकनकर्ताको रुपमा कार्य सम्पादन मुल्याङ्कन गर्ने,
• अख्तियार दुरुपयोग अनुसन्धान आयोग, राष्ट्रिय सतर्कता केन्द्र, हेलो सरकार र राष्ट्रिय सूचना आयोगबाट प्राप्त निर्देशन बमोजिमका कार्यहरु गर्ने,
• आफु मातहतका सम्पुर्ण कर्मचारीहरुको कार्यविवरण तयार गरी कार्य विभाजन गर्ने,
• अधिनस्थ कर्मचारीहरुले गर्ने कार्यको वैकल्पिक व्यवस्था मिलाई बिदाको सिफारिस गर्ने वा प्रत्यायोजित अधिकार बमोजिम बिदा स्वीकृत गर्ने,
• डाँक, टिकट तथा अन्तर्राष्ट्रिय सम्बन्ध शाखाको निर्देशकको अनुपस्थितिमा सो शाखाका कार्यहरु समेत गर्ने गराउने,
• कार्यालय सञ्चालन तथा व्यवस्थापन सम्बन्धी अन्य भैपरी आउने कार्य एवं महानिर्देशकबाट तोकिएका अन्य कार्यहरु गर्ने।

• विभाग र मातहत कार्यालयमा रिक्त रहेका पदहरुको पूर्तिका लागि स्वीकृत दरबन्दी बमोजिम सम्बन्धित निकायमा माग गर्ने र पद पूर्तिको लागि नियमानुसार छनौट भई आएका कर्मचारीहरुलाई नियुक्ति तथा पदस्थापना गर्ने र सोको अभिलेख राखी सम्बन्धित व्यक्ति तथा निकायलाई जानकारी दिने,
• नयाँ कर्मचारी नियुक्ति भएपछि विभाग तथा कार्यालयको कामको जानकारी दिने र उक्त पदबाट सम्पादन गर्नुपर्ने काम, कर्तव्य र जिम्मेवारी खुलेको कार्य विवरण दिने,
• कर्मचारीहरुको सरुवा सम्बन्धी कारवाही शुरु गर्ने, निर्णय बमोजिम पत्रहरु तयार गरी समयमा नै सम्बन्धित कर्मचारीले पाउने व्यवस्था मिलाउने, अभिलेखमा जनाउने र सम्बन्धित निकायहरुलाई जानकारी दिने,
• विभाग र अन्तर्गत कार्यालयका पदाधिकारीहरुको निमित्त, कायम मुकायम, काज, सरुवा, बढुवा, अवकाश, राजीनामा, उपदान, निवृत्तिभरण, प्रोत्साहन पुरस्कार आदि सम्बन्धी कार्यहरु निर्देशानुसार गर्ने,
• विभागका कर्मचारीहरु सरुवा भई अन्य कार्यालयमा गएमा व्यक्तिगत फाइल सम्बन्धित कार्यालयमा पठाउने,
• विभाग र अन्तर्गत कार्यालयका कर्मचारीहरुको हाजिरी, गयल र बिदाको अभिलेख अद्यावधिक गराउने,
• विभागका कर्मचारीहरुले पदीय अनुशासन तथा आचरण पालन गरे नगरेको सम्बन्धमा नियमित निरीक्षण तथा अनुगमन गर्ने र पदीय आचरण तथा अनुशासन पालन नगर्ने उपर विभागीय कारवाहीको लागि आवश्यक कारवाही शुरु गरी पेस गर्ने र निर्णय बमोजिम गर्ने,
• हुलाक सेवा विभाग र अन्तर्गत निकायहरु समेतको स्वीकृत दरवन्दी, पदपूर्ति र रिक्तको विवरण अद्यावधिक गराउने,
• कर्मचारीहरुको आवश्यक विवरण खुलेको दर्ज्यानी अभिलेख राख्नुको साथै व्यक्तिगत फाइलहरु समेत खडा गरी अद्यावधिक राख्ने,
• कर्मचारीहरुको कार्यसम्पादन मुल्यांकन फारामहरु प्राप्त गरी राख्ने एवं आवश्यक कारवाहीको लागि सम्बन्धित पदाधिकारी वा निकाय समक्ष समयमानै पेस गर्ने,
• कर्मचारी सम्बन्धी तथ्यांकहरु कम्प्युटर सफ्टवेयरमा समेत राख्ने, आवश्यक प्रशोधन गर्ने र प्राप्त तथ्याङ्कहरु सम्बन्धित निकायहरुमा उपलव्ध गराउने व्यवस्था मिलाउने,
• PIS संचालन तथा अद्यावधिक गर्ने,
• कर्मचारी प्रशासनसँग सम्बन्धित विषयहरुमा आवश्यकता अनुसार निर्देशन बमोजिम परिपत्र गर्ने ,
• विभाग र अन्तर्गतका कार्यालय तथा निकायहरुमा थप दरवन्दी सिर्जना गर्नुपर्ने भएमा आवश्यक कारवाही गरी पेस गर्ने र स्वीकृत भई आएपछि सम्बन्धित निकायहरुलाई जानकारी गराउने,
• नयाँ सिर्जना भएका पदहरु दर्ता गराउने सम्वन्धमा आवश्यक कारवाही गर्ने,
• आन्तरिक तथा वैदेशिक तालिममा सहभागी हुने कर्मचारी छनौट सम्बन्धी स्पष्ट नीति तथा आधार तयार गर्ने सम्बन्धमा राय पेस गर्ने एवं तालिमको लागि नियमानुसार कर्मचारी मनोनयनको लागि कारवाही चलाउने,
• शाखाका भौतिक साधनहरुको मर्मत संभार र सुरक्षाको व्यवस्था मिलाउने,
• अधिनस्थ कर्मचारी र कार्यालयको कार्य प्रगति प्रतिवेदन तयार गरी सुपरीवेक्षकमा पेस गर्ने,
• आवश्यकता अनुसार सम्बन्धित विषयमा हुने तालिम, सभा, गोष्ठी तथा सेमिनारमा भाग लिने,
• अधिनस्थ कर्मचारीहरुको काममा मागदर्शक बनी कर्मचारीहरुलाई सुपरीवेक्षण र आवश्यकताअनुसार निर्देशन र नियन्त्रण समेत गर्ने,
• अधिनस्थ कर्मचारीहरुको कार्यसम्पादन मूल्याङ्कन गर्ने र प्रोत्साहन पुरस्कार, सरुवा, बढुवा, तथा अन्य आवश्यक कार्यवाहीको लागि सिफारीस सहित सुपरीवेक्षक समक्ष पेस गर्ने,
• अधिनस्थ कर्मचारीहरुको बिदा सिफारीस गर्ने वा प्रत्यायोजित अधिकार बमोजिम स्वीकृत गर्ने,
• विभागको मूल दर्ता चलानी व्यवस्थित गराउने। साथै दर्ता भएका महत्वपूर्ण पत्र सम्बन्धित शाखामा समयमानै पुगे नपुगेको एवं चलानी भई जानु पर्ने पत्रहरु समयमानै चलानी भए नभएको वारे अनुगमन गर्ने,
• अन्य कुनै शाखाको कर्मचारी अनुपस्थित भएमा निजले गर्ने काम नरोकिने गरी आवश्यक व्यवस्था मिलाउने,
• समय समयमा स्टाफ मिटिङ्ग आयोजना गर्ने, माईन्यूट राख्ने र निर्णय प्रवाह गर्ने,
• अन्य मन्त्रालय, विभाग, कार्यालय वा निकायहरुबाट प्राप्त पत्रहरु आवश्यक भएमा परिपत्र गर्ने,
• तोकिएबमोजिमका अन्य कार्यहरु गर्ने।

• बजेट अनुमान तयार गरिनु अगावै आगामी आ.व.को लागि आवश्यक पर्ने जिन्सी सामानहरुको लागि आवश्यक पर्ने रकमको अनुमान तयार गरी योजना तथा अनुगमन शाखामा उपलब्ध गराउने।
• चालु आ.व.को स्वीकृत बजेटको परिधिभित्र रही हुलाक कार्यालयहरु संचालन गर्न आवश्यक पर्ने सामग्रीहरु समयमानै खरिदको लागि व्यवस्था मिलाउने।
• खरिद प्रक्रियाको लागि आवश्यक पर्ने शिलबन्दी दरभाउपत्र, बोलपत्र आदिको लागि आवश्यक पर्ने कागजात तयार गर्ने।
• कुनै शिर्षकमा विनियोजित रकमले हुलाक सामग्री खरिद गर्न रकम अपुग भएको अवस्थामा थप बजेट व्यवस्थाको लागि कार्यवाही चलाउन आवश्यक विवरण आर्थिक प्रशासन शाखामा उपलब्ध गराउने।
• खरिद भएका सामानहरु स्वीकृत गुणस्तर बमोजिम प्राप्त भए नभएको जाँच गरी÷गराई आम्दानी बाँध्ने र भुक्तानिको लागि कार्यवाही चलाउने।
• हुलाक टिकट छपाई सम्बन्धी कार्य गर्ने।
• विभाग तथा मातहत कार्यालयहरुबाट समय समयमा माग भए वमोजिम मौज्दातबाट सामानहरु आपूर्ति गर्ने गराउने र सोको जिन्सी खाता अद्यावधिक गराउने।
• विभागमा प्रयोग हुने र जिल्लामा जाने, खर्च नहुने जिन्सी सामाग्रीको निकासा दिने।
• विभागका शाखाहरु तथा मातहतका कार्यालयहरुलाई उपलव्ध गराइएका सामानहरुको अभिलेख व्यवस्थितरुपमा राख्न लगाउने।
• विभागमा रहेका भौतिक साधनहरुको मर्मत, सम्भार र संरक्षण गर्ने व्यवस्था मिलाउने, टुटफुट भै मर्मत हुन नसक्ने सामानहरुको प्रचलित नेपाल कानूनको प्रक्रिया पुर्याई लिलाम गर्ने, मिन्हा गर्ने धुलाउने आदि कार्य गर्ने कार्यवाही चलाउने।
• हुलाक सेवा विभागमा प्रयोग भएका जिन्सी सामानहरु मर्मतको लागि सम्बन्धित शाखाबाट लेखी आएपछि बजेट सम्बन्धमा आर्थिक प्रशासन शाखामा सम्पर्क राखी ती सामानहरुको मर्मत गराउने।
• PAMS (Public Assests Management System) को संचालन, व्यवस्थापन र अद्याविधक गर्ने।
• खर्च हुने र खर्च नहुने सामानहरुको स्पष्ट एवं व्यवस्थित जिन्सी अभिलेख राख्ने व्यवस्था मिलाउने।
• विभागको भवन लगायतका सम्पत्तिको रेखदेख निरीक्षण गर्ने, आवश्यक भए मर्मत संभारको प्रबन्ध मिलाउने।
• विभागका सम्पूर्ण कोठा तथा अन्य स्थानहरु समेत सफा सुग्घर राख्ने व्यवस्था मिलाउने।
• नेमप्लेट, नेम बोर्ड, साइन बोर्ड आदि आवश्यकतानुसार बनाउने एवं मर्मत गराउने।
• कार्यालयको विजुली तथा टेलिफोन, फ्याक्स, कम्प्यूटर र फोटोकपि मेशिन ठीक अवस्थामा भए नभएको हेर्ने र ठीक हालतमा राख्न लगाउने।
• विभागको भौतिक साधनहरु टुटफुट भए नभएको नियमित रुपमा निरिक्षण गरी मर्मत गराउन आवश्यक कार्यवाही गर्ने।
• राष्ट्रिय पर्व तथा दिवसहरुमा दिपावली गर्ने प्रवन्ध मिलाउने।
• बोलपत्र तथा जिन्सी सामानसँग सम्बन्धित तथा शाखासँग सम्बन्धित तोकिए वमोजिमका अन्य कार्यहरु गर्ने।

• चालु तथा पुँजीगत बजेट निकासा लिने,
• निकासा खर्चको श्रेस्ता अद्यावधिक राख्ने, राख्न लगाउने,
• विभाग लगायत मातहतको कार्यालयहरुको केन्द्रिय आर्थिक विवरण तयार गरी पेस गर्ने,
• थप रकमको आवश्यक परेमा समयभित्रै निकाशा लिने व्यवस्था मिलाउने,
• विभाग तथा मातहतका कार्यालयहरुलाई आवश्यकता अनुसार आर्थिक प्रशासनसम्बन्धी राय सल्लाह दिने।
• प्रचलित कानून अनुसार विनियोजन,धरौटी,राजश्व आदिको श्रेस्ता राख्ने,राख्न लगाउने र सोको प्रतिवेदन तयार गरी गराई सम्बन्धित निकायमा पठाउने।
• कर्मचारी सञ्चयकोष,नागरिक लगानी कोष, बिमा,सापटी, कर कट्टी र अन्य रकमहरु सम्बन्धित निकायमा दाखिला गर्ने,गराउने।
• विभागको मासिक आम्दानी खर्चको विवरण तयार गरी सार्वजनिक गर्ने।
• आर्थिक प्रशासन सम्बन्धी परिपत्र तथा निर्देशनहरु विभाग र मातहतका निकायलाई पठाउने व्यवस्था मिलाउने।
• आर्थिक कारोवारहरुको आन्तरिक तथा अन्तिम लेखा परीक्षण गराउने।
• आन्तरिक लेखा परीक्षण तथा अन्तिम लेखापरीक्षणवाट औल्याइएका बेरुजुको लगत खडा/अद्यावधिक गर्ने र फछ्यौट गर्ने,गराउने।
• संसदीय समितिवाट भएका निर्णय तथा निर्देशनहरुको कार्यान्वयन गर्ने,गराउने।
• विभाग र अन्तर्गतका निकायहरुको विनियोजन,राजश्व र धरौटीको केन्द्रीय आर्थिक विवरण तयार गर्ने,गराउने र सम्बन्धित निकायमा पठाउने।
• CGAS, New RMIS लगायतका आर्थिक प्रशासनसँग सम्बन्धित प्रणालीको संचालन र व्यवस्थापन गर्ने।
• मातहतका कर्मचारीहरुको जिम्मेवारी बाँडफाँड,काममा सहजीकरण,समन्वय र सुपरीवेक्षण गर्ने।
• कर्मचारीहरुको तलवी प्रतिवेदन पास गराउने।
• वेरुजुको लगत,वेरुजु फर्छौटको अनुगमन, सहजीकरण र महालेखा परीक्षकको कार्यालयवाट प्राप्त प्रारम्भिक प्रतिवेदनको जवाफ पठाउने लगायत लक्ष्य अनुसार वेरुजु फर्स्यौट गर्ने कार्यहरु।
• आर्थिक प्रशासन सम्बन्धी अन्य कार्यहरु गर्ने।

• विभाग र मातहत कार्यालयहरुबाट तर्जुमा गरिएका आयोजना प्रस्तावहरू प्राप्त गरी स्वीकृत नीति र प्राथमिकता बमोजिम भए नभएको सम्बन्धमा यकिन गरी आवश्यक प्रशोधनको लागि पेस गर्ने र स्वीकृती अनुरुप केन्द्रियस्तरको वार्षिक वा आवधिक योजना एवं कार्यक्रमहरुको मस्यौदा तयार गर्ने।
• केन्द्रियस्तरका कार्यक्रम तथा योजना मस्यौदा विभागीय स्तरमा स्वीकृत गराई सञ्चार तथा सूचना प्रविधि मन्त्रालयमा पठाउने।
• कार्यक्रम र योजना सम्बन्धी छलफलहरुमा आवश्यकताअनुसार भाग लिने।
• विभाग र मातहतका कार्यालयहरुलाई आवश्यकता अनुसार थप निकाशा,रकमान्तर,श्रोत परिवर्तन आदि कारबाहीको आवश्यक व्यवस्था मिलाउने।
• योजना तथा कार्यक्रमहरु स्वीकृत भएपछि कार्यान्वयनको लागि सम्बन्धित निकायहरुलाई जानकारी दिने।
• मातहतका आयोजना एवं कार्यक्रमहरुको कार्यान्वयन पक्षको नियमित अनुगमन गरी प्रतिवेदन पेस गर्ने।
• योजनाहरुको प्रगति विवरण लक्ष्य अनुरुप भए नभएको तुलना गर्ने र लक्ष्य अनुरुप प्रगति नभएकोमा सुधारका लागि आवश्यक कार्य गर्ने।
• विभागीय स्तरमा अन्तर्गत आयोजनाहरुको प्रगति विवरण तयार गर्ने र सो सम्बन्धी तथ्याङ्कहरु व्यवस्थित रुपमा राख्ने व्यवस्था मिलाउने।
• योजना कार्यान्वयनको लागि आवश्यक हुने वैदेशिक सहायता, परामर्श सेवा, निर्माण सामग्री आदि सम्बन्धमा आवश्यक कारबाही चलाई निर्णय वमोजिम गर्ने।
• राष्ट्रिय योजना आयोगवाट प्राप्त आयोजना सम्बन्धी निर्देशन तथा मार्गदर्शनहरु कार्यान्वयनमा ल्याउन आवश्यक कारवाही गर्ने।
• आवश्यक तथ्याङ्क संकलन गरी कम्प्यूटरमा राख्ने, प्रशोधन गर्ने र प्रशोधनबाट प्राप्त नतिजाहरुको प्रवाह गर्ने।
• मातहत कार्यालय तथा निकायहरुको लागि भाडामा लिएका घरहरुको बिबरण संकलन गर्ने र घर भाडाको अनुमान तयार गरी बजेटमा समावेश गरी आर्थिक प्रशासन शाखालाई उपलव्ध गराउने।
• घर भाडामा लिने एवं घर भाडा वृद्धि गर्ने सम्बन्धमा सहमति दिने, निर्णय गर्ने र संचार गर्ने।
• विभाग र मातहत कार्यालयहरुको जग्गा तथा भवनको बिबरण संकलन गरी एकीकृत लगत व्यवस्थित गराई राख्ने।
• विभाग र अन्तर्गत कार्यालयहरुको लागि आवश्यक पर्ने जग्गा अधिग्रहण सम्बन्धी कारवाही चलाउने।
• अधिनस्थ कार्यालयहरुको कार्य प्रगति प्रतिवेदन तयार गरी सुपरीवेक्षक समक्ष पेस गर्ने।
• आवश्यकतानुसार सम्बन्धित विषयमा हुने तालिम, सभा, गोष्ठी तथा सेमिनारमा भाग लिने।
• मासिक, त्रैमासिक, अर्धवार्षिक तथा वार्षिक लगायतका प्रगति प्रतिवेदन तयार गरी तालुक निकायमा पठाउने।
• विभाग र मातहतका कार्यालयहरुको बजेट LMBIS मा प्रविष्टि गर्ने, गराउने।
• योजना शाखासँग सम्बन्धी अन्य कार्य तथा शाखा प्रमुख र महानिर्देशकले तोकेका अन्य कार्यहरु गर्ने ।

• वैदेशिक डाँक संचालनको निर्वाध व्यवस्था मिलाउन विश्व हुलाक संघ, एशिया प्रशान्त हुलाक संघ, इ.एम.एस. को अपरेटिभ आदि संस्थाहरु लगायत विभिन्न वैदेशिक हुलाक प्रशासनहरुसँग पत्राचार गरी हुलाक वस्तुको आदानप्रदान सुचारु रुपले संचालन गर्ने व्यवस्था मिलाउने।
• यु.पि.यु., ए.पि.पि.यु., इ.एम.एस को-अपरेटिभ, टेलिमेटिक को-अपरेटिभ आदि अन्तर्राष्ट्रिय संघसंस्थाहरुमा नेपालको सहभागिताको व्यवस्था मिलाई सोमा प्रस्तुत हुने प्रतिवेदनका लागि आवश्यक कागजातहरु तयार गरी पेस गर्ने।
• आन्तरिक तथा अन्तर्राष्ट्रिय इ.एम.एस. सेवाको संचालन र विस्तार गर्न आवश्यक व्यवस्था मिलाई इ.एम.एस. हुलाक वस्तुहरुको क्षतिपूर्ति सम्बन्धमा शिघ्र कारवाहीको व्यवस्था गर्ने।
• हुलाक सेवा विभागबाट प्रकाशित हुने नेपाल पोष्ट (Nepal Post) नामक वार्षिक प्रतिवेदन नियमित रुपमा प्रकाशन गर्न व्यवस्था मिलाउने।
• विश्वभरिका हुलाक प्रशासनहरुसँग Air mail, SAL (Sea, Air and Land) mail, Surface mail, Missent mail हरुको क्षतिपूर्ति, टर्मिनल ड्यूज, एयर कन्भेन्सन ड्यूज, एडेकोभर्ट तथा हराएका हुलाक वस्तुहरुको श्रेस्ता त्रैमासिक/वार्षिक रुपमा तयार गर्न लगाई आदानप्रदान गर्ने र वार्षिक रुपमा हिसाव मिलान गरी रकम माग गर्ने तथा भुक्तानीको व्यवस्था मिलाउने।
• विश्वभरिका हुलाक प्रशासनहरुबाट डाँक आदानप्रदान गरेवापत प्राप्त हुन आउने रकमहरु केन्द्रीय राजश्व खातामा जम्मा गरी आम्दानी बाँध्ने
• विभिन्न एयरलाइन्सहरुले नेपालको हुलाक वस्तु ढुवानी गरे वापत यु.पि.यु.को मापदण्ड/ सम्झौता अनुसार श्रेस्ता रुजु गरी भुक्तानीको व्यवस्था मिलाउने।
• हुलाक सम्बन्धी अन्तर्राष्ट्रिय संघसंस्थाहरुको सदस्यता र सेवा लिए बापतको दायित्व यकिन गरी भुक्तानीको लागि व्यवस्था मिलाउने।
• हुलाक सेवा सञ्चालन सम्बन्धमा आएका नवीनतम प्रणाली, प्रविधि र पद्धती आदिको प्रयोग सम्बन्धमा समन्वय र व्यवस्था मिलाउने।
• नेपाल भित्र वितरण हुने हुलाक वस्तु सम्बन्धमा नेपालको कुनै हुलाक वा वैदेशिक हुलाक प्रशासनबाट इन्क्वायरी प्राप्त हुन आएमा सम्बन्धित हुलाक प्रशासनलाई पत्राचार गर्ने व्यवस्था गर्ने।
• विदेशमा वितरण हुने कुनै हुलाक वस्तु सम्बन्धमा इन्क्वायरी परेमा सम्बन्धित हुलाक प्रशासनलाई सोधपुछ गर्ने व्यवस्था मिलाउने ।
• हुलाक वस्तु हराएको वा वितरण नभएको प्रमाणित भएमा सम्बन्धित प्रेषकलाई क्षतिपूर्ति दिने निर्णयका लागि महानिर्देशक समक्ष पेस गर्ने।
• मातहतका अन्तर्राष्ट्रिय सम्बन्ध शाखा, अन्तर्राष्ट्रिय डाँक लेखा तथा अनुसन्धान शाखा र आन्तरिक डाँक तथा अनुगमन शाखा र फिलाटेलिक तथा टिकट व्यवस्थापन शाखाबाट सम्पादन भएका दैनिक कामकारवाहीमा नियमित निरीक्षण र सुपरीवेक्षण गरी आवश्यक निर्देशन नियन्त्रण र सुझाव प्रदान गर्ने।
• नेपाल भरि सुचारु रुपमा डाँक संचालनको व्यवस्था गर्न विभिन्न यातायात व्यवसायीहरुसँग सम्झौता गर्ने व्यवस्था मिलाउने।
• मौजुदा डाँक रेखाको समसामयिक पुनरावलोकन गरी सुधारको लागि प्रस्ताव गर्ने।
• आफ्नो शाखा अन्तर्गतका राजपत्रांकित तृतीय श्रेणीका कर्मचारीहरुको सुपरीवेक्षकको रुपमा र राजपत्र अनंकित कर्मचारीहरुको पुनरावलोकनकर्ताको रुपमा कार्यसम्पादन मुल्याङ्कन गर्ने।
• आपूm मातहतका सम्पूर्ण कर्मचारीहरुलाई कार्यविवरण वमोजिम कार्यविभाजन गरी काम लगाउने ।
• अधिनस्थ कर्मचारीहरुले गर्ने कार्यको वैकल्पिक व्यवस्था मिलाई बिदा सिफारिस गर्ने वा प्रत्यायोजित अधिकार वमोजिम बिदा स्वीकृत गर्ने।
• विभागका प्रशासन तथा योजना शाखाका निर्देशक अनुपस्थित भएको समयमा सो शाखाका कार्यहरु समेत गर्ने गराउने ।
• हुलाक महसुल/ दररेट अद्यावधिक सम्बन्धी कार्य गर्ने।
• आन्तरिक र वैदेशिक डाँक ढुवानीको लागि सेवा प्रदायक निकाय तथा सरोकारवालाहरुसँग सम्झौता, नवीकरण र आवश्यकता अनुसार रद्द गर्ने।
• डाँक ढुवानी तथा डाँक व्यवस्थापन सम्बन्धमा आवश्यकता अनुसार मातहतका निकायमा अनुगमन, निरीक्षण, निर्देशन र प्रतिवेदन गर्ने।
• आवश्यकतानुसार सम्बन्धित विषयमा हुने तालिम, सभा, गोष्ठी तथा सेमिनारमा भाग लिने।
• वर्षभरी जारी गरिने हुलाक टिकटहरुको वार्षिक कार्ययोजना तयार गराई स्वीकृत कार्यक्रम अनुसार टिकट प्रकाशनको व्यवस्था मिलाउने।
• धनादेश सेवा तथा हुलाक बचत बैंक सेवा सम्बन्धी आवश्यक कार्य गर्ने।
• स्वीकृत कार्यक्रम अनुसार टिकट डिजाइनहरु तयार गरि स्वीकृतीका लागि पेस गर्ने।
• टिकट प्रकाशनको लागि आवश्यक समन्वय गर्ने।
• टिकटको मौज्दात हेरी पर्याप्त आपूर्ति समयमै मिलाउने व्यवस्था गर्ने।
• जिल्ला हुलाक र फिलाटेलिक व्यूरोमा रहने टिकटको अधिकतम र न्यूनतम हद तोक्नेसम्बन्धी कार्यवाही चलाई स्वीकृत भएवमोजिम कार्य सम्पादन गर्ने।
• सुरक्षित तरिकाबाट गन्तव्य सम्म टिकट पुर्याउने व्यवस्था गरी बेलाबेलामा अनुगमन, निरीक्षण गर्ने।
• फिलाटेलिक व्यवस्थापन सम्बन्धी कार्यहरु, अन्तर्गत फिलाटेली प्रबर्द्धन, सुरक्षण, संकलन, अनुसन्धान तथा सो सम्बन्धमा नीति निर्णयहरुमा सहयोग सम्बन्धी कार्य गर्ने।
• हुलाक टिकट वा अन्य फिलाटेलीक सामाग्रीहरुको डिजाइन तथा सो सम्बन्धमा अध्ययन तथा अनुसन्धान सम्बन्धी कार्य गर्ने।
• राष्ट्रिय तथा अन्तर्राष्ट्रिय फिलाटेलिक प्रदर्शनीको व्यवस्था मिलाउने।
• डाँक, डाँक लेखा, अन्तर्राष्ट्रिय सम्बन्ध र टिकट सम्बन्धी आईपर्ने अन्य कार्य गर्ने।
• हुलाक सेवाको कार्य विस्तारको लागि सरोकारवाला पक्षसँग छलफल, समन्वय, सहकार्य गर्ने।
• उल्लिखित शाखाहरुसँग सम्बन्धित महानिर्देशकबाट तोकिएका अन्य कार्यहरु गर्ने।

• संघीय संरचना अनुरुप संघ, प्रदेश र स्थानीय तह सबैलाई समेट्ने गरी हुलाक संकेत नम्बर (Postal Code) परिमार्जनको प्रारम्भिक गृहकार्य गर्ने।
• नेपालभरिका हुलाक कार्यालयहरुको ड्युमेल छटनी सूची र समय तालीकाको विवरण राख्ने।
• आन्तरिक इ.एम.एस. सेवलाई हवाई तथा स्थल मार्गबाट संचालन तथा विस्तार गर्ने।
• यातायातको सहज पहुँच पुगेका हिमाली र दुर्गम पहाडी जिल्लाहरूको डाँक ढुवानी हवाई यातायात सेवा मार्फत गर्न गराउँन आवश्यक प्रवन्ध मिलाउने तथा सोको लागि समन्वय गर्ने।
• डाँक र इ.एम.एस. सेवाको तौलको आधारमा विवरण राख्ने व्यवस्था मिलाई भुक्तानीको व्यवस्था मिलाउने।
• डाँक रेखा पुनरावलोकन (डाँक रेखा थप तथा कटौती) माग भई आएमा अध्ययन गरी राय साथ पेस गर्ने।
• हुलाक वस्तुको ढुवानी तथा डाँक आदानप्रदान सम्बन्धमा हुलाक निर्देशनालय र जिल्ला हुलाक कार्यालयहरुसँग समन्वय, सहकार्य र सहजीकरण गर्ने।
• हुलाक सेवाको कार्य विस्तारको लागि सरोकारवाला पक्षसँग छलफल, समन्वय, सहकार्य गर्ने।
• डाँक ढुवानीको लागि सेवा प्रदायक निकाय तथा सरोकारवालाहरुसँग सम्झौता, नविकरण र आवश्यकता अनुसार रद्द गर्न सिफारिस गर्ने।
• देशभरको हुलाक वस्तुको आदानप्रदान दर्ता वितरण लगायतका विवरण समेटिएको वार्षिक एकीकृत अभिलेख तयार गर्ने।
• आन्तरिक डाँक ढुवानीका बारेमा नियमित रुपमा सूचना संकलन गर्ने र शाखा प्रमुखलाई जानकारी गराउने।
• डाँकसँग सम्बन्धित सूचना र कागजातहरु दुरुस्त र सुरक्षित रुपमा राख्ने।
• हुलाक महसुल (दररेट) अद्यावधिक सम्बन्धि कार्य गर्ने।
• परम्परागत हुलाक सेवालाई आधुनिक र व्यवसायिक बनाउन अध्ययन अनुसन्धान र समन्वय गर्ने
• शाखासँग सम्बन्धित कार्यको मासिक/वार्षिक प्रगति विवरण सम्बन्धित शाखामा पेस गर्ने।
• विभाग र अन्य केन्द्रीय कार्यालयबाट आउने पत्रसँग सम्बन्धित अन्य जिम्मेवारी समेत निर्वाह गर्ने।
• आवश्यकतानुसार सम्बन्धित विषयमा हुने तालिम, सभा, गोष्ठी तथा सेमिनारको आयोजना गर्ने तथा भाग लिने।
• डाँक ढुवानी तथा डाँक व्यवस्थापन सम्बन्धमा आवश्यकता अनुसार अनुगमन, निरीक्षण र प्रतिवेदन गर्ने।
• यस शाखासँग सम्बन्धित तोकिए वमोजिमका अन्य कार्यहरु गर्ने।

• यु.पि.यु., ए.पि.पि.यु., इ.एम.एस को-अपरेटिभ, टेलिमेटिक को-अपरेटिभ आदिमा नेपालको सहभागिताको व्यवस्था मिलाई सोमा प्रस्तुत हुने प्रतिवेदनका लागि आवश्यक कागजातहरू तयार गरी पेस गर्ने।
• वैदेशिक हुलाक सेवा सम्बन्धी अन्तर्राष्ट्रिय तथा राष्ट्रिय सबै संस्थावाट प्राप्त हुने तालिम, गोष्ठी, सेमिनार आदिको लागि मनोनयन तथा यस सम्बन्धी अन्य आवश्यक व्यवस्था मिलाउने।
• द्विपक्षीय हुलाक प्रशासनबीच हुने सम्झौताको दस्तावेज तयार गर्ने।
• नेपाल हुलाकले संचालन गर्ने नयाँ सेवा सम्बन्धी आवश्यक दस्तावेज तयार गरी व्यवस्था मिलाउने।
• नेपालको हुलाक सेवामा भएका परिवर्तन सम्बन्धमा सर्कुलर गर्न UPU मा पठाउने।
• इ.एम.एस. हुलाक वस्तुहरुको क्षतिपूर्ति र अपराध गर्ने उपर सजाय गर्ने सम्बन्धमा आवश्यक राय पेस गर्ने।
• अन्तर्राष्ट्रिय इ.एम.एस. वस्तु ढुवानी गराउन हवाई उडान तालिका तयार गरी लागु गराउन सम्बद्ध निकायमा पठाउने।
• इ.एम.एस. सम्बन्ध स्थापित भएका देशहरुमा जानकारी गराउन प्रत्येक वर्ष सार्वजनिक बिदा तथा त्रैमासिक रुपमा अन्य EMS Operational Guide Update गर्ने ।
• UPU को Guideline अनुसार parcel post, letter post compendiums, LAHSO आदि update गर्ने।
• APPU तथा अरु हुलाक प्रशासनद्वारा नियमित तथा समय समयमा संचालन गर्ने EMS End-to-End Standard Test तथा अन्य Test Plan जस्ता कार्यहरुमा सहभागिता सम्बन्धी आवश्यक व्यवस्था मिलाउने।
• IPS.post, CDS.post लगायतका प्रणालीहरुको एडमिन भई कार्य गर्ने।
• इलेक्ट्रोनिक मेल (टेलिफोन तथा फ्याक्स) सेवा संचालन तथा विस्तार सम्बन्धी आवश्यक कारवाही गर्ने।
• संचालित सेवाहरुको महसूल दरलाई आवश्यकताअनुसार निर्धारण तथा परिमार्जन गरी लागु गराउने सम्बन्धी कारवाही गर्ने।
• उल्लिखित सेवा तथा कार्य संचालनको अनुगमन, मूल्यांकन, समन्वय तथा निर्देशन सम्बन्धी आवश्यक कारवाही गर्ने।
• UPU, APPU जस्ता वैदेशिक संघ संस्था र विभागहरुवाट प्राप्त प्रश्नावली भरी पठाउने र आवश्यकता अनुसार पत्राचार गर्ने।
• हुलाक सेवाको वार्षिक प्रतिवेदन (नेपाल पोष्ट अंग्रेजीमा) तयार गर्ने।
• हुलाक सेवाको नयाँ सेवा विस्तार सम्बन्धमा अध्ययन अनुसन्धान र प्रचार-प्रसारसम्बन्धी कार्यहरु गर्ने।
• मातहतका कर्मचारीहरुको सुपरीवेक्षकको रुपमा कार्यसम्पादन मूल्याङ्कन गर्ने।
• यस शाखासँग सम्बन्धित तोकिए बमोजिमका अन्य कार्यहरु गर्ने।

• अन्तरार्ष्ट्रिय डाँक लेखा सम्बन्धी कार्य गर्ने।
• GPO तथा Airport को हुलाक शाखाबाट CN, CP फाराम आए नआएको हेर्ने।GPO र Airport को हुलाक शाखासँग समन्वय गर्ने।
• शाखामा CN 55,56,61,64 र 52 , CP 75 & 94 लगायत अन्य फारमहरु समय सीमा भित्रै तयार पार्न लगाई निर्देशक समक्ष पेस गर्ने र स्वीकृत भए पछि सम्बन्धित देशमा हिसाब Verification को लागि पठाउने।
• अन्य देशबाट प्राप्त जवाफ हेर्ने, आवश्यकता अनुरुप संशोधन वा रिजेक्ट भएको भए प्रमाण सहित निर्देशकबाट स्वीकृत लिई पुनःदावी गर्ने।
• अन्य देशबाट प्राप्त CN55,56,61,64 र 52 , CP 75 & 94 रुजु गरी Accept वा प्रमाण सहित Edit वा Reject गरी निर्देशकबाट स्वीकृती लिई समय सीमा भित्रै जवाफ पठाउने।
• CN 52 को स्वीकृति पश्चात नेपालले पाउनु पर्ने रकम सम्बन्धित देशलाई इमेल मार्फत माग गर्ने।
• CN 52 को स्वीकृति पश्चात विभिन्न मुलुकलाई तिर्नुपर्ने भएमा अन्तर्राष्ट्रिय मुद्रा कोषले प्रकासित एस डि आरको दररेटमा टिप्पणी उठाइ निर्णय पश्चात देशको खाताको विवरणका लागि अन्तर्राष्ट्रिय सम्वन्ध शाखामा र भुक्तानीका लागि लेखा शाखामा पठाउने। भुक्तानी भए पश्चात सम्बन्धित देशलाई इमेल गर्ने र सम्बन्धित देशको CN52 update गर्ने।
• कुनै देशबाट रकम प्राप्त भएको इमेल प्राप्त भएमा सो मेल बमोजिमको पत्र लेखि नेपाल राष्ट्र वैंकलाई डिपोजिट रिसिप्ट उपलव्ध गराइदिन पत्र लेखि deposit receipt ल्याएर एक प्रति लेखा शाखामा र फोटोकपि अ.डा.ले शाखामा राखि प्राप्त रकमको विवरण आर्थिक वर्ष अनुसार तयार गरेर राख्ने । प्राप्त रकमको जानकारी सम्बन्धित देशमा इमेल गर्ने र सम्बन्धित देशको CN52 update गर्ने।
• CN 08 enquiry and CN 48 प्राप्त भएमा गोश्वारा हुलाक कार्यालयमा आवश्यक कार्यार्थ पठाउने । CN 48 स्वीकृत गर्दा सो सामान final delivery नभएको भए गरेर सोको screen shot पठाउने।
• Email updates of all countries.
• समयमै Quarterly, Yearly हिसाब तयार गर्ने। जवाफ माग गर्ने। जवाफ पठाउने।
• अ.डा.ले.को भुक्तानी लिने वा दिने व्यवस्था गर्ने। टिप्पणी तयार पारी निर्देशक समक्ष पेस गर्ने।
• EMS, Parcel , Letter का Rate तयार पार्न, SDR Rate , नेपालको Account Detail , Agreement हरु गर्न Mail प्राप्त गर्न, पठाउन अन्तर्राष्ट्रिय सम्बन्ध तथा EMS शाखालाई आवश्यक सहयोग गर्ने ।
• Airways को भुक्तानी नियमित रुपमा गर्ने, गराउने । भुक्तानीको टिप्पणी निर्देशक समक्ष पेस गर्ने। भुक्तानी भएको Receipt लेखाबाट प्राप्त गरी भुक्तानीको रेकर्ड राख्ने।
• Letter को टर्मिनल ड्युज हिसावका लागि UPU को सर्कुलर अनुसार वार्षिक रुपमा दररेट निर्धारण गर्ने।
• IPS.POST को Password प्राप्त गरी हिसाब तयार गर्ने, रुजु गर्ने र Password को गोपनीयता कायम राख्ने।
• आफ्नो शाखामा कार्यरत कर्मचारीहरुलाई निजहरुको कार्य विवरण अनुसार काम गर्न लगाउने।
• EMS Operational guide, Letter Compendium, Parcel Compendium, QCS mail, UPU & APPU का website, I-care को password प्राप्त गरी जानकारीहरुमा update रहने, तथ्याङ्क प्राप्त गर्ने।
• CN फारामहरुको व्यवस्थित रेकर्ड राख्ने। हिसाबको रेकर्ड राख्ने।
• UPU को Circular, Convention को जानकारी राख्ने।
• दैनिक रुपमा सम्बन्धित Mail Check गरी आवश्यक कार्य गर्ने।
• अन्तर्राष्ट्रिय डाँक सम्बन्धी विषयहरु निर्देशक तथा महानिर्देशकलाई नियमित रुपमा जानकारी गराउने।
• शाखाको कार्यमा तत्काल केहि सुधार गर्न आवश्यक देखिएका सुझाव सहित माथिल्लो अधिकृतलाई जानकारी गराउने ।
• आफू मातहतका कर्मचारीलाई कार्यको सिकाई तथा कार्य वातावरणको लागि उत्प्रेरित गर्ने ।
• आफू मातहतका कर्मचारीबाट समयमा गर्नुपर्ने कार्यहरु सम्पादन भए नभएको सम्बन्धमा निरिक्षण, तथा छलफल गर्ने ।
• सम्बन्धित शाखा अन्तर्गतको अर्को अधिकृतको अनुपस्थितमा सो अधिकृतले गरि आएका कार्य गर्ने ।
• विदेशमा वितरण हुने कुनै हुलाक वस्तु सम्वन्धमा इन्क्वायरी परेमा सम्बन्धित हुलाक प्रशासनसँग सोधपुछ गर्ने ।
• नेपालभित्र डेलिभरी हुने हुलाक वस्तु सम्बन्धमा नेपालको कुनै हुलाक वा वैदेशिक हुलाक प्रशासनबाट इन्क्वायरी प्राप्त हुन आएमा सम्बन्धित हुलाक प्रशासनलाई पत्राचार गर्ने ।
• इन्क्वायरी गर्दा डेलिभरी गर्ने हुलाकवाट वस्तु डेलिभरी भएको जानकारी प्राप्त हुन आएमा इन्क्वायरी गर्ने हुलाक वा व्यक्तिलाई डेलिभरी भएको जानकारी दिने ।
• हुलाक वस्तु हराएको वा वितरण नभएको प्रमाणीत भएमा सम्बन्धित प्रेषकलाई क्षतिपूर्ती दिने निर्णयका लागि आवश्यक कार्यवाही अगाडी बढाउने।
• कुनै कर्मचारीको कारणवाट हुलाक वस्तुहराएको प्रमाणीत भएमा निजवाट नै नियमानुसार लाग्ने क्षतिपूर्ति असूल उपर गरी सम्बन्धित प्रेषकलाई भुक्तानि दिने ।
• गो.हु.का.को समन्वयमा हुलाक वस्तु सम्बन्धी इन्क्वायरी सम्बन्धी कार्य गर्ने साथै कुनै राय सुझाव माग भई आएमा आवश्यक राय सुझाव प्रदान गर्ने ।
• शाखासँग सम्बन्धित कार्यको मासिक/वार्षिक प्रगति विवरण सम्बन्धित शाखामा पेस गर्ने ।
• शाखासँग सम्बन्धित तोकिए वमोजिमका अन्य कार्यहरु गर्ने ।

• हुलाक टिकट प्रकाशनका लागि प्रस्ताव माग गर्ने, प्राप्त प्रस्तावहरु नियम अनुसार समितिमा पेस गर्ने।
• स्वीकृत कार्यक्रम अनुसार टिकट डिजाइनहरु तयार गरि स्विकृतीका लागि पेस गर्ने।
• डिजाईन तयार गर्न, स्थलगत अध्ययन गर्ने, निरिक्षण गर्ने तथा फोटोहरु संकलन गर्ने।
• टिकट प्रकाशनको व्यवस्था मिलाउने।
• विदेशी मुद्रणालयहरुको टिकट मुद्रणसम्बन्धी वीलहरुको भुक्तानीको लागि पेस गर्ने।
• टिकटको मौज्दात हेरि पर्याप्त आपूर्ति समयमै मिलाउने व्यवस्था गर्ने।
• हुलाक टिकटको महत्व दर्शाउने गरी प्रवर्द्धनात्मक कार्यक्रमहरु संचालन गर्ने।
• यु.पि.यु.का सदस्य राष्ट्रहरुबाट प्राप्त टिकटहरु राख्ने व्यवस्था गर्ने।
• जिल्ला हुलाक र फिलाटेलिक व्यूरोमा रहने टिकटको अधिकतम र न्यूनतम हद तोक्नेसम्बन्धी कार्यवाही चलाइ स्वीकृत भएवमोजिम कार्य सम्पादन गर्ने ।
• छपाई भै प्राप्त हुन आएका हुलाक टिकट एवं हुलाक लेखन सामाग्रीहरु तोकिए वमोजिमको ढाँचामा आम्दानी बाधी सुरक्षित भण्डारण गर्ने , विक्री वितरण गर्ने।
• हुलाक टिकटको अभिलेखिकरण तथा संचालनको लागि तयार भएको सफ्टवेरको सुपर एडमिनको (Super Admin) को काम गर्ने र अन्तर्गतका सबै कार्यालयहरुलाई प्रणालीमा आवद्ध गराउने ।
• हुलाक कार्यालयहरु र तोकिएको एजेन्सीहरुलाई हदबन्दी भित्र रही हुलाक टिकटको संम्पूर्ति गर्ने, हुलाक श्रेस्ता राख्न लगाउने र अनुगमन गर्ने।
• सुरक्षित तरिकाबाट गन्तव्य सम्म टिकट पुर्याउने व्यवस्था गरी बेलाबेलामा अनुगमन, निरीक्षण गर्ने।
• फिलाटेलिक व्यवस्थापन सम्बन्धी कार्यहरु, अन्तर्गत फिलाटेली प्रबर्द्धन, सुरक्षण, संकलन, अनुसन्धान तथा सो सम्बन्धमा नीति निर्णयहरुमा सहयोग सम्बन्धी कार्य गर्ने।
• हुलाक टिकट वा अन्य फिलाटेली सामाग्रीहरुको डिजाइन तथा सो सम्बन्धमा अध्ययन तथा अनुसन्धान सम्बन्धी कार्य गर्ने।
• फिलाटेलिक वस्तुहरु मानार्थ वितरण तथा हुलाक टिकट प्रकाशन तयारी, प्रथम दिवशीय आवरण तथा अन्य फिलाटेलिक वस्तहरु छपाई सम्बन्धी कार्य गर्ने।
• राष्ट्रिय तथा अन्तर्राष्ट्रिय फिलाटेलिक प्रदर्शनीको आयोजना गर्ने कार्यको लागि आवश्यकता अनुसार तयारी गर्ने।
• टिकट डिजाइन सम्बन्धित निकायवाट मुद्रणको लागि स्वीकृत नभएमा पुनः डिजाइनमा हेरफेर र सुधार गर्ने।
• डिजाइन गर्दा मुद्रणको प्रकृया र प्राविधिकलाई ध्यानमा राखी साइज आकार र रंगहरुको संयोजन गरी उपयुक्त डिजाइन तयार गर्ने।
• प्रत्येक टिकट प्रकाशनको लागि निर्देशानुसार आवश्यक फोल्डर, प्रथम दिवसीय आवरण तथा प्रकाशनको पहिलो दिनको छांचा डिजाइनहरु तयार गर्ने।
• शाखासँग सम्बन्धित अन्य कार्यहरु सम्पादन गर्ने।

• आन्तरिक तथा वैदेशिक हुलाक सेवा संचालन सम्बन्धी प्रणालीहरु संचालन, व्यवस्थापन र अद्यावधिक गर्ने।
• कार्यालयको सूचना प्रविधि सम्बद्ध सम्पूर्ण समस्याहरूको समाधान/समन्वय गर्ने र प्रशासन तथा योजना शाखाको सुपरीवेक्षणमा रही काम गर्ने।
• Hardware, Software र Networking सम्बन्धी सम्पूर्ण कार्यहरु गर्ने तथा गराउने ।
• कार्यालयमा प्राविधिक कार्यमा प्रयोग भएका सामानको रेखदेख र मर्मत सम्बन्धी कार्यहरु गर्ने ।
• कम्प्युटर तथा यस अन्तर्गतको Software Upgrade तथा मर्मत सुधार सम्बन्धी कार्यहरु गर्ने गराउने।
• कार्यालयमा संचालनमा रहेका सम्पूर्ण Software हरू तथा नयाँ निर्माण गरिएमा सो समेत Source Code तथा Security Pin Code हरु प्राप्त गरी सोको सुरक्षित प्रयोग गर्ने।
• कम्प्युटर, नेटवर्क र सफ्टवेयर सम्बन्धी कार्य गर्न राय, सुझाव प्रस्तुत गर्ने ।
• Server Room मा प्रयोग भएका Software, Computer, networking, Server तथा यसमा प्रयोग भएका equipment हरुको उचित संरक्षण तथा प्रयोग गर्ने।
• शाखा शाखामा प्रयोग भएका कम्प्युटर तथा सफ्टवयर सम्बन्धी कार्यको बेला बेलामा अनुगमन गरी समस्या समाधान गर्ने ।
• सूचना प्रविधि र कम्प्यूटर प्रणालीसँग सम्बन्धित अन्य कार्यहरु गर्ने गराउने।
• महानिर्देशकले तोकेका अन्य कामहरु गर्ने।
• शाखासँग सम्बन्धित अन्य कार्यहरु गर्ने।